Waziri Jerry Silaa atambulisha Mfumo wa NaPA ,asema Utaboresha Usafiri Nchini namna hii

Mfumo wa kielektroniki wa Anwani za makazi (NaPA) ambao una programu

tumizi yaani ‘Application’ utasaidia kuboresha huduma za usafiri na usalama

wa abiria na madereva ambapo kwa kutumia simu janja madereva wanaweza

kupakua application hiyo itakayowarahisishia kumfikia mteja kwa haraka kwa

kuwa mfumo huo ni wa utambuzi wa maeneo.

Hayo yamezungumzwa na Waziri wa Mawasiliano na Teknolojia ya Habari,

Mhe. Jerry William Silaa (Mb.) Februari 7, 2025 katika Ukumbi wa Mikutano

wa Jakaya Kikwete jijini Dodoma katika maadhimisho ya Wiki ya Anwani za

Makazi ambapo amezungumza na maafisa usafirishaji wa bodaboda na bajaji

wa Mkoa wa Dodoma.

Waziri Silaa ameuzungumzia mfumo huo wa NaPA ulio chini ya Wizara yake

kuwa ni mfumo unaotumia simu za kiganjani na abiria wanaweza kuita

huduma ya usafiri kwa kuingiza anwani zao za makazi katika mfumo huo, na

maafisa usafirishaji almaarufu kama madereva wanaweza kufika moja kwa

moja kwenye maeneo yao.

“Anwani za Makazi ni muhimu kwa utoaji wa huduma bora za usafiri, kwani

husaidia katika upatikanaji wa maeneo kwa urahisi na usahihi. hata kama ni

mgeni na hauifahamu Dodoma, kwa kutumia mfumo huu wa NaPA utaweza

kumfikia mteja kwa urahisi,”, alisisitiza Waziri Silaa.

Waziri Silaa ametoa rai kwa maafisa usafirishaji kuwa mabalozi wa Mfumo wa

kielektroniki wa Anwani za Makazi kwa kuutangaza na kuutumia katika

shughuli zao za kila siku ili kuboresha huduma kwa kuwa mfumo huu

unatarajiwa kuleta mabadiliko makubwa katika sekta ya usafiri nchini.

Akitoa salamu za Maafisa Usafirishaji, Mwenyekiti wa Umoja Madereva

Pikipiki Dodoma (UMAPIDO), Bw. Marwa Chacha Nyagake, ameishukuru

Serikali ya awamu ya Sita na Rais Samia kwa kufanikisha uundaji wa mfumo

huo, akieleza kuwa faida zake zinaanza kuonekana katika kurahisisha utoaji

wa huduma ikiwemo huduma za usafirishaji.