BONANZA LA AFYA KWANZA LA DICK PUB VETERANS NA MTI PESA – KIJICHI LAFANA LEO JIJINI DAR

*************************************

Na Lucas Mboje, Mtoni Kijichi

TIMU ya mpira wa miguu ya MTI PESA ya Mtoni Kijichi, Temeke imefungwa bao tatu(03) na timu ya Veterans ya Dick Pub Klabu ambayo inaundwa na Maafisa wa Jeshi la Polisi,

Magereza, Uhamiaji na majirani wa Kambi ya NASACO Kijichi. Bonanza la michezo huo lijulikanalo kwa jina la ‘Afya Kwanza’ lililofanyika katika viwanja vya Jeshi la Polisi vya Kambi ya Mtoni Kijichi, jijini Dar es Salaam limefanyika leo kuanzia majira ya saa 2:00 asubuhi hadi 4:00 asubuhi na kuhudhuriwa na Maafisa, wakakaguzi, askari, wakazi jirani wa Kambi ya Mtoni Kijichi na Familia zao.

Mgeni rasmi katika Bonanza hilo alikuwa ni Msaidizi wa Katibu Mkuu wa Wizara ya Mambo ya Ndani ya nchi ambaye pia ni Ofisa wa Jeshi la Magereza, ACP. Jaka Kizitoambapo amepongeza waandaaji na washiriki katika Bonanza hilo ambalo lengo lake kuu ni kujenga Afya na mahusiano kupitia michezo.

“Niwapongeze sana waandaaji wa Bonanza hili kwani naamini litasaidia katika kuimarisha mazoezi ya mwili hivyo kuboresha afya za washiriki”, alisisitiza ACP. Jaka.

Akizungumza katika Bonaza hilo Mkuu wa Kitengo cha Michezo wa Jeshi la Polisi Tanzania, ACP. Jonas Mahanga ambaye pia ni miongozi mwa wachezaji wa Dick Pub Veterans Klabu amesema kuwa michezo ni moja ya nyanja zinazotumiwa na Jeshi la Polisi Tanzania na Duniani kwa ujumla katika kuwakutanisha watu wenye nyadhifa mbalimbali na kujadili mbinu mbalimbali za kuzuia uhalifu katika jamii ya eneo husika.

Pia ameongeza kuwa michezo ni sehemu ya ajira endelevu ambayo vijana wengi wenye vipaji huajiriwa na kupata vipato halali ambavyo vinawasaidia kukuza uchumi kuanzia ngazi ya familia na jamii kwa ujumla.

“Nashauri utaratibu huu wa mabonanza uendelee kwa ajili ya kufikia malengo yaliyotarajiwa na Jeshi la Polisi kwa kushirikiana na Vyombo vingine vya Ulinzi na Usalama litaungana na waandaaji wa mabonanza haya ili yaendelee kufanyika kwa ufanisi mkubwa”, alisema ACP. Jonas.