Binti wa miaka 20, ajulikanaye kama Sharon, mkazi wa Kisumu, Kenya, amejinyonga hadi kufa baada ya majibizano baina yake na shangazi yake kuhusu chapati.
Inaelezwa kuwa Sharon aliachiwa fedha kwa ajili ya kununua chakula na kupika kwa ajili ya familia na badala yake alinunua chapati cha maharage na kula mwenyewe.
Kwa mujibu wa jirani wa familia hiyo, Jane Auma, shangazi yake aliporudi nyumbani na kuuliza kwanini binti huyo hakupika chakula cha familia nzima na badalayake akajinunulia chapati, wawili hao walianza kujibiza na baadaye, msichana huyo aliamua kujiua kwa kujinyonga.
Auma anasema ni ngumu kuamini kuwa msichana huyo angeweza kujinyonga kwa mzozo wa chapati, lakini hatahivyo ujumbe wa alioacha ameuandika tayari umefikishwa polisi.
Mwili wa marehemu umeshapelekwa kuhifadhiwa kwenye hospitali ya Jaramogi Oginga na upelelezi unaendelea.
