Timu ya Taifa ya Tanzania ‘Taifa Stars’, imepangwa Kundi H na DR Congo, Ethiopia na Guinea katika kinyang’anyiro cha kuwania nafasi ya kushiriki fainali za Kombe la Mataifa ya Afrika ‘Afcon’ 2025 ambazo zitafanyika Morocco.
Mchujo wa kuwania kufuzu michuano hiyo ulianzia hatua ya awali Machi 21 hadi 26 mwaka huu na sasa inakwenda hatua ya makundi yaliyopangwa leo Alhamisi huko Afrika Kusini.
Hatua hiyo ya makundi kuwania kufuzu Afcon 2025 zitaanza kuchezwa Septemba mwaka huu. Jumla ya timu 24 zitafuzu kucheza fainali hizo ambapo bingwa mtetezi ni Ivory Coast.
Tanzania ambayo ilikuwa katika chungu cha tatu kati ya vinne vilivyotengwa kulingana na viwango vya ubora wa soka, ilikuwa timu ya pili kupangwa katika Kundi H baada ya Ethiopia huku ikifuata Guinea kisha DR Congo.
Katika kundi hilo, DR Congo ndio timu inayoshika nafasi ya juu zaidi katika viwango vya soka vya FIFA vilivyotolewa Juni, mwaka huu ikiwa nafasi ya 61, Guinea ipo nafasi ya 77, Tanzania (114) huku Ethiopia ikishika nafasi ya 143.
Tanzania na DR Congo kupangwa kundi moja inatukumbusha ilivyokuwa katika mechi za kuwania kufuzu Kombe la Dunia 2022 ambapo timu hizo zilikuwa Kundi J. Ugenini Tanzania ilipata sare ya 1-1, nyumbani ikafungwa 3-0.
Mara ya mwisho timu hizo zilikutana katika Kundi F la Afcon 2023 na matokeo kuwa 0-0.
Ikumbukwe kwamba vinara wawili katika kila kundi watajikatia tiketi ya kushiriki fainali hizo za 35 zitakazofanyika kuanzia Desemba 21, 2025 hadi Januari 18, 2026 nchini Morocco.
MAKUNDI YOTE YALIVYO
Kundi A: Gambia, Comoros, Madagascar, Tunisia
Kundi B: Lesotho, Afrika ya Kati, Gabon, Morocco
Kundi C: Botswana, Mauritania, Cape Verde, Misri
Kundi D: Rwanda, Libya, Benin, Nigeria
Kundi E: Liberia, Togo, Guinea ya Ikweta, Algeria
Kundi F: Niger, Sudan, Angola, Ghana
Kundi G: Chad, Sierra Leone, Zambia, Ivory Coast
Kundi H: Ethiopia, Tanzania, Guinea, DR Congo
Kundi I: Eswatini, Guinea Bissau, Msumbiji, Mali
Kundi J: Zimbabwe, Kenya, Namibia, Cameroon
Kundi K: Sudan Kusini, Congo Brazzaville, Uganda, Afrika Kusini
Kundi L: Burundi, Malawi, Burkina Faso, Senegal
Recommended Products
-
2025 Summer Rapper Feid Ferxxo Men’s Cotton Fashion Hip-hop T-shirt Casual and Comfortable Short-sleeved T-shirt Street Wear
Affliate products $22.00 -
3 IN 1 Magnetic Folding Wireless Charger Station For IPhone Transparent Fast Charging For IWatch And Airpods
Affliate products -
Grandpa Of Love hoodies Human French Letters Dad Papa Papy Gift Men Clothing hoodies
Affliate products $22.00 -
Sale!
Lenovo D18 Drone 8K Aerial HD Dual-Camera Intelligent Obstacle Avoidance Brushless Power 5G WIFI Screen Remote Control GPS Drone
Affliate products Original price was: $7.99.$7.89Current price is: $7.89. -
Mini Portable Face Cordless Shavers Rechargeable USB Electric Shaver Wet & Dry Painless Small Size Machine Shaving For Men
Affliate products $44.00 -
New Original T75 Bone Conduction Wireless Bluetooth 5.3 Headphones Sports Earphones HiFi Sound Quality Waterproof TWS Headset
Affliate products $3.33







